اسلام آباد: الیکشن کمیشن آف پاکستان نے پاکستان تحریک انصاف (پی ٹی آئی) کے 9 ارکان پارلیمنٹ کو نااہل قرار دیتے ہوئے ان کی نشستیں خالی قرار دے دیں۔ نااہلی کا فیصلہ انسداد دہشت گردی عدالت فیصل آباد کے حکم کے تحت کیا گیا۔
نااہل قرار دیے گئے ارکان میں سینیٹ میں قائد حزب اختلاف شبلی فراز، قومی اسمبلی میں اپوزیشن لیڈر عمر ایوب، اور سنی اتحاد کونسل کے سربراہ صاحبزادہ حامد رضا شامل ہیں۔ اس کے علاوہ زرتاج گل، جنید افضل ساہی، رائے حسن نواز، رائے مرتضیٰ اقبال، رائے حیدر علی اور انصر اقبال کو بھی نااہل قرار دیا گیا ہے۔
الیکشن کمیشن کی جانب سے جاری کردہ نوٹیفکیشن کے مطابق، قومی اسمبلی کی 5، سینیٹ کی 1 اور پنجاب اسمبلی کی 3 نشستیں خالی ہوگئی ہیں۔
اس فیصلے کے بعد قومی اور سینیٹ ایوانوں میں حزب اختلاف کی قیادت کی نشستیں بھی خالی ہو چکی ہیں، جس سے پارلیمانی سیاست میں اہم تبدیلی کے آثار نمایاں ہو رہے ہیں۔
