سام سنگ متعارف کرانے جا رہا ہے تین نئے ٹیبلٹس: گلیکسی ٹیب ایس 11، ایس 11 الٹرا اور ایس 10 لائٹ
ٹیکنالوجی کی دنیا میں معروف کمپنی سام سنگ جلد ہی اپنے تین نئے ٹیبلٹس لانچ کرنے والی ہے، جن میں گلیکسی ٹیب ایس 11، ایس 11 الٹرا اور گلیکسی ٹیب ایس 10 لائٹ شامل ہیں۔
حالیہ سرٹیفیکیشنز کے مطابق یہ ڈیوائسز بہت جلد مارکیٹ میں دستیاب ہوں گی، جبکہ خاص طور پر گلیکسی ایس 10 لائٹ کو اگلے ماہ متعارف کروائے جانے کی خبریں سامنے آ رہی ہیں۔
سام سنگ کی اس ڈیوائس میں جدید Exynos 1380 SoC پروسیسر اور 6 جی بی ریم دی جائے گی۔ اس کے علاوہ، ایس پین اور کی بورڈ کی بھی سپورٹ متوقع ہے، جو کام اور تفریح دونوں میں سہولت فراہم کرے گا۔
بیٹری کی بات کی جائے تو ایس 10 لائٹ میں 8000 ایم اے ایچ کی بڑی بیٹری ہوگی جس کے ساتھ 45 واٹ کی وائرڈ فاسٹ چارجنگ سپورٹ بھی دستیاب ہوگی، تاکہ صارفین کو طویل استعمال کے ساتھ تیز چارجنگ کا تجربہ ملے۔
سام سنگ کے نئے ٹیبلٹس کے ساتھ اینڈرائیڈ 15 اور کمپنی کا تازہ ترین ون یو آئی 7 انٹرفیس بھی متوقع ہے، جو جدید خصوصیات اور بہتر یوزر ایکسپیرینس فراہم کرے گا۔
یہ نئے ماڈلز سام سنگ کے ٹیبلٹ لائن اپ میں جدید ٹیکنالوجی اور طاقتور فیچرز کے ساتھ مارکیٹ میں مقابلہ بڑھانے کی کوشش ہیں۔
