اسلام آباد (نیوز رپورٹر) – محکمہ موسمیات نے آج ملک کے مختلف علاقوں میں موسلادھار بارش کا امکان ظاہر کیا ہے۔ اسلام آباد میں آج بارش متوقع ہے جبکہ راولپنڈی، مری، گلیات، جہلم، اٹک، چکوال، میانوالی، سرگودھا، گجرات، سیالکوٹ، شیخوپورہ، گوجرانوالہ، حافظ آباد، نارووال، لاہور، فیصل آباد، جھنگ اور ٹوبہ ٹیک سنگھ میں بھی بارش ہو سکتی ہے۔
خیبر پختونخوا کے مختلف اضلاع بشمول پشاور، دیر، چترال، سوات، بونیر، شانگلہ، بٹگرام، ایبٹ آباد، مانسہرہ، ہری پور، مالاکنڈ، مردان، صوابی، باجوڑ، مہمند، کرم، خیبر، کوہاٹ، کرک، لکی مروت، بنوں، وزیرستان اور ٹانک میں بھی بارش کی توقع ہے۔
سندھ کے بیشتر علاقوں میں موسم گرم رہے گا، تاہم سانگھڑ، عمر کوٹ، تھرپارکر، مٹھی اور میرپور خاص میں بارش کا امکان ہے۔ بلوچستان کے بیشتر اضلاع میں موسم گرم اور مرطوب رہنے کا امکان ہے، جبکہ بارکھان، موسی خیل، لورالائی، خضدار اور آواران میں بارش کی پیشگوئی کی گئی ہے۔
محکمہ موسمیات نے شہریوں کو موسلادھار بارش کے دوران حفاظتی اقدامات اختیار کرنے کی ہدایت کی ہے۔
