سانحہ بابو سر: لاپتہ افراد میں نجی ٹی وی کی اینکر شبانہ لیاقت بھی شامل، سرچ آپریشن جاری

بابو سر کے سیلابی ریلوں میں مزید ایک فیملی کے لاپتہ ہونے کی تصدیق ہو گئی ہے، جس میں نجی ٹی وی کی معروف اینکر پرسن شبانہ لیاقت، ان کے شوہر اور تین بچے شامل ہیں۔ ترجمان گلگت بلتستان حکومت نے بتایا کہ سرچ آپریشن کے دوران شبانہ لیاقت کا کارڈ اور پرس مل گیا ہے۔

عینی شاہدین کے مطابق تقریباً 10 سے 15 سیاح شاہراہ بابوسر میں آنے والے سیلابی ریلوں میں بہہ گئے تھے۔ اب تک 7 لاشیں نکالی جا چکی ہیں۔

سرچ آپریشن میں دیامر پولیس، ڈیزاسٹر مینجمنٹ، ریسکیو 1122، پاک فوج اور گلگت بلتستان اسکاؤٹس کی ٹیمیں شامل ہیں۔ ترجمان نے بتایا کہ سرچ آپریشن میں سراغ رساں کتوں اور جدید ڈرونز کا استعمال کیا جا رہا ہے تاکہ دیگر لاپتہ سیاحوں کو بھی تلاش کیا جا سکے۔

حکام کا کہنا ہے کہ تلاش کا عمل جاری ہے اور ہر ممکن کوشش کی جا رہی ہے کہ زخمیوں اور لاپتہ افراد کو جلد از جلد ریسکیو کیا جائے۔