قومی کھلاڑیوں کے لیے خوشخبری: وزیراعظم نے انعامی رقم میں ریکارڈ اضافہ کر دیا

اسلام آباد (اسپورٹس نیوز ڈیسک) — پاکستان کے قومی ایتھلیٹس کے لیے ایک بڑی خوشخبری سامنے آ گئی ہے، وزیراعظم شہباز شریف نے بین الاقوامی کھیلوں میں ملک کا پرچم بلند کرنے والے قومی ہیروز کے لیے انعامی رقم میں ریکارڈ اضافہ کر دیا ہے۔

وزیراعظم کے اس فیصلے کا مقصد کھلاڑیوں کی حوصلہ افزائی، مالی معاونت اور بین الاقوامی مقابلوں میں بہترین کارکردگی کو سراہنا ہے۔

نئے انعامی اسٹرکچر کی تفصیلات:
اولمپک گیمز
گولڈ میڈل: 3 کروڑ روپے (پہلے: 1 کروڑ)

سلور میڈل: 2 کروڑ روپے

برونز میڈل: 1 کروڑ روپے

ونٹر اولمپکس / پیرا اولمپکس
گولڈ میڈل: 1 کروڑ روپے

ایشین گیمز
گولڈ: 1 کروڑ روپے

سلور: 70 لاکھ روپے

برونز: 50 لاکھ روپے

کامن ویلتھ گیمز
گولڈ: 75 لاکھ روپے

اسلامک گیمز
گولڈ: 50 لاکھ روپے

برٹش جونیئر / یو ایس اوپن جونیئر
فتح پر: 1 کروڑ روپے

دیگر بین الاقوامی مقابلے
ایشین انڈور گیمز (گولڈ): 20 لاکھ روپے

سیف گیمز (گولڈ): 10 لاکھ روپے

یوتھ اولمپکس (گولڈ): 50 لاکھ روپے

ورلڈ چیمپئن شپ (گولڈ): 75 لاکھ روپے

خصوصی کھلاڑیوں کو بھی انعامات ملیں گے
اس اقدام میں اسپیشل اولمپکس، بلائنڈ اسپورٹس، اور ڈیف (بہرے افراد کی) کھیلوں کو بھی شامل کیا گیا ہے، تاکہ ہر سطح پر پاکستانی کھلاڑیوں کی حوصلہ افزائی کی جا سکے۔

کھیلوں کے حلقوں میں بھرپور پذیرائی
وزیراعظم شہباز شریف کے اس فیصلے کو کھلاڑیوں، کوچز، اسپورٹس فیڈریشنز اور شائقین کی جانب سے خوش آئند قرار دیا جا رہا ہے۔ ناقدین کا کہنا ہے کہ اس فیصلے سے نہ صرف کھلاڑیوں کو مالی تحفظ ملے گا بلکہ نوجوان نسل کو کھیلوں کی جانب راغب کرنے میں بھی مدد ملے گی۔