بارش میں بچپن لوٹ آیا: بابر اعظم اور نسیم شاہ کی ویڈیو وائرل
لاہور: لاہور کی حالیہ بارش نہ صرف موسم کو خوشگوار کر گئی بلکہ قومی کرکٹرز بابر اعظم اور نسیم شاہ کو بھی بچوں جیسا بننے پر مجبور کر گئی۔ سوشل میڈیا پر دونوں کھلاڑیوں کی بارش سے لطف اندوز ہوتے ہوئے ویڈیو وائرل ہو گئی ہے، جس میں وہ بارش میں کھیلتے اور پھسلتے نظر آ رہے ہیں۔
فاسٹ بولر نسیم شاہ نے ویڈیو کو فوٹو اینڈ ویڈیو شیئرنگ ایپ انسٹاگرام اسٹوری پر شیئر کیا، جو دیکھتے ہی دیکھتے مختلف پلیٹ فارمز پر وائرل ہو گئی۔ ویڈیو میں بابر اور نسیم کو پچ کو محفوظ رکھنے کے لیے بچھائی گئی چادر پر پھسلتے اور ہنسی خوشی کا اظہار کرتے ہوئے دیکھا جا سکتا ہے۔
مداحوں کا جوش و خروش
سوشل میڈیا صارفین نے اس ویڈیو پر دلچسپ تبصرے کیے ہیں:
"یہ ہے اصل ٹیم اسپرٹ!”
"کرکٹ کے دباؤ کے بیچ ایسے لمحات تازگی لے آتے ہیں۔”
"بابر اور نسیم کو اسی انداز میں ٹیم میں بھی ایکشن میں دیکھنا چاہتے ہیں۔”
واپسی کی امیدیں
مداحوں نے نہ صرف ویڈیو کو پسند کیا بلکہ دونوں کھلاڑیوں کے لیے نیک تمناؤں کا اظہار بھی کیا۔ شائقین کو امید ہے کہ بابر اعظم اور نسیم شاہ جلد مکمل فارم میں واپس آئیں گے اور پاکستان ٹیم کو اپنی کارکردگی سے کامیابیوں کی راہ پر گامزن کریں گے۔
