پنجاب کی وزیر اطلاعات عظمیٰ بخاری نے کہا ہے کہ وزیر اعلیٰ پنجاب مریم نواز نے وردی پہن کر پنجاب پولیس کی عزت بڑھائی ہے۔ اپنے ایک بیان میں مسلم لیگ ن کے رہنما نے مریم نواز کو پولیس کی وردی پہننے پر تنقید کرنے والوں کو کرارا جواب دیا۔ انہوں نے کہا کہ وہ گروپ تنقید کر رہا ہے جس کا لیڈر اپنی بیٹی کو بھی پہچاننے کو تیار نہیں۔ عظمیٰ بخاری نے کہا کہ دنیا بھر کے سربراہان مملکت یونیفارم پہن کر اپنی افواج کی عزت اور وقار میں اضافہ کرتے ہیں۔ سابق وزیراعظم نواز شریف نے بھی اپنے دور حکومت میں ایسا ہی کیا، مریم نواز نے یہ روایت برقرار رکھی۔ ان کا مزید کہنا تھا کہ مریم نواز کی اس حرکت کے لیے جلنے اور سڑنے کی ضرورت نہیں۔ کی عزت اور وقار میں اضافہ کیا۔دوسری جانب تحریک انصاف کے رہنما عمر ایوب نے مریم نواز کے ایکشن پر تنقید کرتے ہوئے کہا کہ ملک میں یہی ہو رہا ہے۔ وزیراعلیٰ پولیس کی وردی میں پریڈ میں آئے، یہ غیر سنجیدہ حکومت ہے، کوئی پالیسی بیان، مہنگائی پر کوئی بات نہیں۔عمر ایوب نے کہا کہ آج بجلی کا ریٹ 85 روپے فی یونٹ ہے، گیس کے ریٹ میں چار گنا اضافہ ہوا ہے۔ آئی ایم ایف کے ساتھ 870 ارب روپے کے پیٹرولیم لیوی معاہدے پر دستخط کیے گئے ہیں اور 100 ارب روپے کی اضافی پیٹرولیم لیوی کی گئی ہے۔
0
