اسلام آباد:پاکستان میں موبائل انڈسٹری اور اسمارٹ فون استعمال کرنے والوں کے لیے اچھی خبر آگئی، غیر رجسٹرڈ آئی فون کے پرانے ماڈلز کی رجسٹریشن فیس میں کمی کا اعلان کردیا گیا۔اس حوالے سے ذرائع کا کہنا ہے کہ فیڈرل بورڈ آف ریونیو (ایف بی آر) نے گزشتہ ماہ تمام ایپل اسمارٹ موبائل فونز پر پی ٹی اے ٹیکسز میں کمی کا اعلان کیا تھا جس پر عمل درآمد کردیا گیا ہےذرائع کے مطابق پی ٹی اے نے پاسپورٹ اور این آئی سی پر الگ الگ کمی کا اعلان کیا ہے جس کے بعد پاسپورٹ پرآئی فون8کی فیس اب38ہزار922روپے ہوگی۔اس کے علاوہ این آئی سی پر آئی فون8کی فیس48ہزار314 روپے، پاسپورٹ پر آئی فون8پلس کی فیس40 ہزار951 روپے اور این آئی سی پر آئی فون8 پلس کی فیس50 ہزار546 روپے مقرر کردی گئی ہے۔یاد رہے کہ یہ اہم پیشرفت متعلقہ صنعت کے ماہرین اور اسمارٹ فون صارفین دونوں کے لیے بہت بڑی خبر کے طور پر سامنے آئی ہے جو طویل عرصے سے قیمتوں کی کمی کے لیے آواز اٹھا رہے ہیں۔ اس مثبت قدم کے ساتھ، پاکستان میں موبائل انڈسٹری کو فروغ اور اسمارٹ فون کو اپنانے میں اضافہ دیکھنے کو ملے گا۔
0
