نوٹوں کے ساتھ شریف خاندان کی بھی تصاویر، لیگی کارکن کا شادی پر انوکھا ہار

اسلام آباد(نیوز ڈیسک)پاکستان مسلم لیگ (ن) کے کارکن نے اپنی شادی کےلیے انوکھا ہار تیار کروایا جو

مریم نواز کو بھی پسند آگیا۔پنجاب کے شہر لیہ میں (ن) لیگ کے کارکن نے اپنی شادی کو یادگار بنانے کا فیصلہ کیا اور اس موقع پر پارٹی قیادت سے اپنی محبت کا اظہار کچھ منفرد طریقے سے کیا۔کارکن نے دلہا بننے پر نوٹوں کا جو ہار پہنا اس پر ہر جگہ شریف خاندان کے افراد کی تصاویر چسپاں تھیں جن میں نواز شریف، مریم نواز، شہباز شریف اور حمزہ شہباز کی تصویریں شامل تھیں۔مریم نواز کو بھی اپنے کارکن کی شادی کا یہ ہار خاصہ پسند آیا اور انہوں نے دلہا کی تصویر کو ٹوئٹر پر شیئر کیا۔مریم نے اپنی پوسٹ میں کارکن کے لیے محبت اور خوشی کا اظہار کرتے ہوئے لکھا کہ ’لیہ سے مسلم لیگ (ن) کے اس جیالے کو شادی بہت بہت مبارک‘۔ انہوں نے تصویر شیئر کرتے ہوئے کارکن کے لیے محبت اور

خوشی کے ایموجیز کا بھی استعمال کیا۔