وزیراعظم کے مشیر برائے سیاسی امور رانا ثناء اللہ نے کہا ہے کہ پاکستان بطور سیاسی جماعت اور حکومت تحریک انصاف سے بات کرنے کو تیار ہے۔ نجی ٹی وی کے پروگرام میں گفتگو کرتے ہوئے رانا ثناء اللہ نے کہا کہ ہم ملک کو آگے لے جانا چاہتے ہیں۔ شروع سے ہی ایک ساتھ بیٹھنا چاہتے ہیں لیکن بانی پی ٹی آئی سیاسی جماعتوں کے ساتھ بیٹھنے کو تیار نہیں۔ 9 مئی کے سانحہ پر بات کرتے ہوئے انہوں نے کہا کہ حکومت سمجھتی ہے کہ پی ٹی آئی والے اسی طرح احتجاج کر رہے ہیں۔ جیسا سیاسی لوگ کرتے ہیں ویسا ہی کریں گے لیکن حکومت جو کچھ کرتی ہے اس کے لیے تیار نہیں تھی۔سابق وزیر داخلہ کا کہنا تھا کہ فیصلہ ہوا تھا کہ دفاعی ادارے کی تنصیبات پر حملے ہونے پر مقدمہ فوجی عدالت میں چلایا جائے گا۔ آرمی ایکٹ کے تحت ٹرائل کی اجازت ہوتی تو 30 دن میں فیصلے ہو چکے ہوتے۔ ان کا کہنا تھا کہ ٹرائل سے پہلے سٹے تھا، ٹرائل ہوا تو کسی کو سزا ملے گی۔
0
