اسلام آباد: وزیراعظم شہباز شریف نے سوشل میڈیا کو ریگولیٹ کرنے کے لیے پی ای سی اے ایکٹ 2016 میں ترمیم کی منظوری دے دی۔تفصیلات کے مطابق وزیراعظم شہباز شریف نے پی ای سی اے ایکٹ 2016 میں ترمیم کی منظوری دے دی، پی ای سی اے ایکٹ کے تحت ڈیجیٹل رائٹس پروٹیکشن ایجنسی کے قیام کی بھی منظوری دی گئی۔نئے مجوزہ PECABEL 2024 کو ڈیجیٹل رائٹس پروٹیکشن اتھارٹی بنانے کے لیے PECA ایکٹ ترمیمی بل کے تحت کابینہ کی منظوری کے بعد پارلیمنٹ میں پیش کیا جائے گا۔کابینہ کی اصلاحاتی کمیٹی نے مجوزہ ترمیمی بل اور ڈیجیٹل رائٹس پروٹیکشن ایجنسی کے قیام کی سفارش کی تھی۔اس کے علاوہ، ڈیجیٹل اتھارٹی انٹرنیٹ کے ذمہ دارانہ استعمال اور ضوابط کی تعمیل کو یقینی بنائے گی اور مثبت ڈیجیٹل ماحولیاتی نظام کو فروغ دینے کے لیے سوشل میڈیا پلیٹ فارمز کے ساتھ تعاون کو آسان بنائے گی۔مجوزہ ڈیجیٹل رائٹس اتھارٹی آن لائن مواد کو ریگولیٹ کرے گی۔ اتھارٹی سوشل میڈیا پر قانون کی خلاف ورزیوں کی تحقیقات کرے گی جبکہ ڈیجیٹل رائٹس اتھارٹی پیکا کے نئے قانون کی خلاف ورزی کرنے والوں کے خلاف کارروائی کرے گی۔
0
