اسلام آباد: جمعیت علمائے اسلام (ف) کے سربراہ مولانا فضل الرحمان کا کہنا ہے کہ پی ٹی آئی سے ہمارے تعلقات ٹھیک ہوجائیں تو بہت اچھی بات ہے اور اگر نہیں تو ہر جماعت کا اپنا موقف اور رائے ہوگی۔ مولانا فضل الرحمان نے کہا کہ پی ٹی آئی اور جے یو آئی (ف) میں بڑا خلا ہے، درمیان میں دیوار نہیں پہاڑ کھڑا ہے۔ ہم نے روایت کے مطابق خیر مقدم کیا، پی ٹی آئی کے وفد نے تجویز پیش کی کہ ہم کچھ مسائل حل کرنا چاہتے ہیں، تو ہم نے بسم اللہ کہا۔مولانا فضل الرحمان نے کہا کہ پی ٹی آئی کے ایک دو لوگوں کے بیانات آتے ہیں، ہم ان کا نوٹس نہیں لیتے، پی ٹی آئی کا وفد ہم پر ذمہ دار ہے، جو کہہ رہے تھے کہ بانی کے کہنے پر آئے ہیں۔ ہم اپنے قول پر قائم ہیں۔ انہوں نے کہا کہ ہم نے آج تک ذاتی طور پر کسی کی توہین نہیں کی اور آئندہ بھی نہیں کریں گے۔ ہم اور مسلم لیگ (ن) دوست رہنا چاہتے ہیں۔ ہم جا کر ملنے کی کوشش کر رہے ہیں اور ہم چاہتے ہیں کہ وہ آئیں اور ملیں، میں نے (ن) لیگ سے کہا کہ اپوزیشن میں آ کر پی ٹی آئی کو اقتدار دے، نواز شریف اس تجویز پر غور کریں کیونکہ وہ مجھ سے زیادہ ہیں۔ پریشان ہیں۔
0
