کراچی (ویب ڈیسک) چیئرمین پاکستان پیپلز پارٹی (پی پی پی) بلاول بھٹو زرداری نے آئندہ بجٹ میں اپنی پارٹی کی دو صوبائی حکومتوں کی تنخواہوں میں اضافے کا اعلان کردیا۔ بلاول بھٹو زرداری نے یوم مزدور کی تقریب سے خطاب میں کہا کہ سندھ اور بلوچستان کی حکومتیں بجٹ میں تنخواہوں میں مزید اضافہ کریں گی۔ حکومت پی آئی اے کی نجکاری کرنا چاہتی ہے تو پبلک پرائیویٹ پارٹنرشپ کے تحت کرے۔ مرضی اسٹیل مل کی نجکاری سے بہتر ہے، سندھ حکومت اسے خرید لے، وفاقی حکومت سے اسٹیل ملز کے معاملے پر سندھ حکومت کے ساتھ بیٹھنے کا کہیں گے، اگر وفاقی حکومت اسٹیل ملز نہیں چلانا چاہتی تو دے دے سندھ حکومت کو پیپلز پارٹی ملکی معیشت کی ترقی چاہتی ہے۔ بلاول بھٹو زرداری نے یہ بھی کہا کہ شہید بھٹو کے دور میں مزدوروں کو یونین بنانے کا حق ملا، ہماری حکومت نے مزدوروں کے حق میں قانون سازی کی، مزدوروں کے لیے قانون سازی میں سندھ حکومت کا کوئی مقابلہ نہیں، شہید بینظیر بھٹو . حکومت میں آنے کے بعد انہوں نے پہلا حکم کارکنوں کو رہا کرنے کا دیا۔پی پی چیئرمین نے کہا کہ ذوالفقار علی بھٹو نے ایسے اقدامات کیے جس سے مزدوروں کو حقوق ملے، ضیاء کی آمریت میں گرفتار مزدور شہید بینظیر بھٹو کی حکومت میں رہے۔ انہوں نے کہا کہ پیپلز پارٹی کا واضح مؤقف ہے کہ کارکنوں کو نوازا جائے، معیشت ان کے خون پسینے سے چلتی ہے، اشرافیہ کی کمائی اور کاروبار کارکنوں کے پسینے سے چلتا ہے۔
0
