2009 کی کوریج کے دوران جس گھر میں میں ٹھہرا تھا وہ اب تباہ ہوچکا ہے، بیت حنون اور یادوں سے بھرا یہ گھر اب کھنڈرات میں ہے۔ جیو نیوز کی ٹیم کے ساتھ دو دن تک رفح بارڈر پر انتظار کرنے کے بعد غزہ میں داخل ہونے کی اجازت دی گئی۔چونکہ یہ مکمل طور پر بلیک آؤٹ تھا اور غزہ میں داخل ہوتے ہی سڑکیں سنسان ہو چکی تھیں، میں نے اور کیمرہ مین عظیم احمد خان نے شمال میں رفح سے بیت حنون کی طرف جانے کا فیصلہ کیا، جہاں مشہور ایریز کراسنگ واقع ہے، یعنی ہم نے چالیس کلومیٹر کی پوری پٹی کا احاطہ کیا۔ جنوب سے شمال تک اندھیرے اور تناؤ کے ماحول میں سفر کیا۔اس مقصد کے لیے میں نے غزہ کی مشہور اور مرکزی شاہراہ صلاح الدین کا انتخاب کیا، مجھے یاد ہے کہ جس دن امریکی صدر اوباما کی حلف برداری ہو رہی تھی اور وہ تاریخ غالباً 20 جنوری 2009 تھی۔
0
