ممبئی: سوشل میڈیا سائٹ انسٹاگرم پر شاہ رخ خان کے فین پیچ کی جانب سے ایک ویڈیو شیئر کی گئی ہے جوکہ میگا اسٹار کے گھر ‘منت’ کے اندرونی حصہ کی ہے۔بالی ووڈ اداکار شاہ رخ خان نے اکثر اپنے بچوں کے بارے میں بات کی ہے کہ وہ ان کے سب سے قریبی دوست ہیں اور ان کے ڈاؤن ٹائم میں اپنے بچوں کے ساتھ وقت گزارنا بھی شامل ہے۔حال ہی میں شاہ رخ خان کے ایک فین پیج پر ایک ویڈیو شیئر کی گئی جس میں اداکار کو اپنے بیٹے ابرام کے ساتھ ان کی ممبئی مینشن، منت کے لان میں فٹ بال کھیلتے ہوئے دیکھا گیا تھا۔مذکورہ ویڈیو میں شاہ رخ خان اپنے گھر کے لان میں اپنے چھوٹے بیٹے ابرام خان کے ہمراہ فٹبال کھیلنے میں مصروف ہیں جبکہ دیگر کچھ لڑکے بھی موجود ہیں۔ویڈیو میں دیکھا جاسکتا ہے کہ شاہ رخ خان اپنے بیٹے کے ساتھ فٹبال کھیلنے میں مصروف ہیں اور اُنہیں ویڈیو بننے کا علم نہیں، میڈیا رپورٹ میں بتایا گیا کہ یہ ویڈیو شاہ رخ خان کے کسی پڑوسی نے اپنی گھر کی چھت سے بنائی ہے۔
0
