ممبئی :سابق بھارتی آف اسپنر ہربھجن سنگھ نے ورلڈکپ سے قبل ہندوستانی کرکٹ ٹیم کی بڑی غلطی کی نشاندہی کرتے ہوئے کہا ہے کہ آسٹریلیا کے خلاف تین اسپنرز شامل کرنا صحیح فیصلہ نہیں ہے۔آئی سی سی کرکٹ ورلڈ کپ 2023 کی تیاریوں کے سلسلے میں بھارت ایونٹ سے قبل آسٹریلیا کے خلاف ون ڈے سیریز کھیلے گا۔ سیریز کے لیے ٹیم میں آف اسپنر روی چندرن ایشون اور واشنگٹن سندر کو بھی شامل کیا گیا ہے جو کہ ایشیا کپ اسکواڈ کا حصہ نہیں تھے۔
2011 ورلڈکپ وننگ ٹیم کا حصہ رہنے والے ہربھجن سنگھ نے کہا کہ آسٹریلیا کے خلاف آئندہ سیریز کے لیے بھارتی ٹیم میں تین آف اسپنرز کی قطعاً ضرورت نہیں تھی۔انھوں نے کہا کہ پہلی بات تو یہ کہ واشنگٹن سندر ایشیا کپ میں بھارتی ٹیم کا حصہ نہیں تھے انھیں بعد میں بلایا گیا تھا۔ایشون کو بھی آسٹریلیا کے خلاف سیریز کے لیے بھارتی اسکواڈ میں شامل کیا گیا ہےجس سے واضح ہے کہ ٹیم ورلڈ کپ کے لیے کسی آف اسپنر کی تلاش میں ہے۔ہربھجن سنگھ نے کہا کہ شاید مینجمنٹ کو احساس ہوگیا ہے کہ پہلے آف اسپنر کو ٹیم میں شامل نہ کر کے غلطی کی ہے۔ تاہم ٹیم میں ایک ساتھ تین اسپنرز کو بھی شامل نہیں کیا جاسکتا۔سابق اسپنر نے کہا کہ بہتر تو یہی ہے کہ ٹیم میں صرف دو اسپنرز ہوں۔ رویندر جڈیجہ ٹیم میں ضرور ہوں گے جب کہ ایشون بھی کھیلیں گے۔ دوسرے اسپنر کلدیپ یادو بھی ہوں گے اور ان کی جگہ کوئی نہیں لے سکتا
0
