وزیراعظم کے معاون خصوصی شہباز گل نے کہا ہے کہ آج ن لیگ الیکشن میں اکیلی ہی بھاگ رہی ہے۔
سماجی رابطے کی ویب سائٹ ٹوئٹر پر پیغام جاری کرتے ہوئے شہباز گل نے کہا کہ اکیلے بھاگ کر پہلے نمبر پر آنے کے شادیانے بجائے جائیں گے، ووٹر ٹرن آؤٹ بہت ہی کم ہونے سے صاف پتہ چل رہا ہے کہ جس میدان میں خان کی جماعت نہیں وہاں عوام کی دلچسپی نہیں جبکہ قوم ان چوروں کو پہچان چکی ہے۔
واضح رہے کہ لاہور کے حلقہ این اے 133 کے ضمنی انتخاب میں ووٹوں کی گنتی جاری ہے جبکہ ن لیگ اور پاکستان پیپلز پارٹی کے امیدواروں آمنے سامنے ہیں،پاکستان تحریک انصاف کے جمشید اقبال چیمہ کاغذات نامزدگی مسترد ہونے کے باعث الیکشن میں حصہ نہیں لے سکے تھے۔
