اسلام آباد : ڈپٹی ایم ڈی آئی ایم ایف انٹونیٹی منیسو نے پاکستان کی معاشی کارکردگی کو سراہتے ہوئے کہا کہ اعتماد ہے کہ پاکستان کے ساتھ اسٹاف لیول معاہدہ جلد ہوجائے گا۔تفصیلات کے مطابق ڈپٹی منیجنگ ڈائریکٹر آئی ایم ایف انٹونیٹی منیسو نے پاکستان سےجلدمعاہدےکی نویدسنادی اور کہا مجھے اعتماد ہے کہ پاکستان کے ساتھ اسٹاف لیول معاہدہ جلد ہوجائے گا۔اینٹونیٹ مونیسو کا کہنا تھا کہ پاکستان کی معاشی کارکردگی کو سراہتے ہیں اور اسٹاف لیول معاہدے کے لیے پاکستان کی کوشش کی قدر کرتی ہوں۔یاد رہے پاکستان اور آئی ایم ایف کے درمیان ایک اور ورچوئل میٹنگ میں پاکستان کی معاشی کارکردگی کا جائزہ لیا گیا، وزیر خزانہ اسحاق ڈار نے بتایا کہحکومت معیشت کی بہتری کے لیے اصلاحات پر عمل پیرا ہے۔اسحاق ڈار کا کہنا تھا کہ پاکستان نویں جائزہ کے بعد اسٹاف لیول معاہدے کا خواہشمند ہے اور نویں جائزہ کے لیے اہم شرائط پر پیشگی اقدامات کیے ، پاکستان آئی ایم ایف سے معاہدے پر سختی سے عمل درآمد کر رہا ہے۔اس سے قبل ڈائریکٹرآئی ایم ایف کا کہنا تھا کہ بورڈ کی منظوری کےبعد اسٹاف لیول معاہدہ پرجلد دستخط ہوں گے،امید ہےکہ پاکستان اصلاحاتی ایجنڈے پراپنی پیشرفت جاری رکھے گا۔
139
