لاہور:ٹی 20ورلڈ کپ میں افغانستان کے 148رنز ہدف کے تعاقب میں پاکستان کی بیٹنگ جاری ہے۔
دبئی انٹرنیشنل کرکٹ سٹیڈیم میں پاکستانی ٹیم اپنا تیسرا میچ کھیل رہی ہے جبکہ یہ میگا ایونٹ کا 24واں میچ ہے جس میں افغانستان کی ٹیم نے پہلے ٹاس جیتا اور پاکستان کو فیلڈنگ کرنے کی دعوت دی۔
پاکستان بیٹنگ
گرین شرٹس کی جانب سے کپتان بابر اعظم اور محمد رضوان نے ہدف کے تعاقب میں کیلئے اننگز کا آغاز کیا،محمد رضوان 8رنز بناکر مجیب الرحمان کی گیند پر کیچ آؤٹ ہوگئے۔
پاکستان کا اس وقت سکور 11اوورز میں 2وکٹ کے نقصان پر 75رنز بنالئے ہیں،دوسرے آؤٹ ہونے والے بیٹر فخر زمان تھے جو کہ 30رنز بناکر محمد نبی کی گیند پر ایل بی ڈبلیو آؤٹ ہوگئے،بابر اعظم اور محمد حفیظ کریز پر موجود ہیں۔
افغان بیٹنگ
افغانستان نےمقررہ 20اوورز میں 6وکٹوں کے نقصان پر 147رنز بنائے،کپتان محمد نبی اور گلبدین نائب 35،35رنز بناکر نمایاں بیٹر رہے جبکہ پاکستان کی جانب سے عماد وسیم نے سب سے زیادہ 2کھلاڑیوں کو پویلین کی راہ دکھائی۔
ہمسایہ ملک کی کرکٹ ٹیم کی جانب سے حضرت اللہ زازئی اور محمد شہزاد نے اننگز کا آغاز کیا جبکہ پاکستان کی جانب سے شاہین شاہ آفریدی نے پہلی گیند پھینکی۔
افغان بلے باز حضرت اللہ زازئی صفر پر عماد وسیم کی گیند پر حارث رؤف کے ہاتھوں کیچ آؤٹ ہوگئے جبکہ دوسرے آؤٹ ہونے والے بیٹسمین محمد شہزاد تھے جو کہ 13کے مجموعی سکور پر 8رنز بناکر شاہین شاہ آفریدی کا شکار بنے۔
افغانستان کی جانب سے تیسرے آؤٹ ہونے والے بیٹر اصغر افغان تھے جنہوں نے 10رنز بنائے اور حارث رؤف کی گیند پر انہیں ہی کیچ دے بیٹھے،چوتھے آؤٹ ہونے والے بیٹر رحمان اللہ گرباز تھے جو کہ 10رنز بناکر حسن علی کا نشانہ بنے۔
پاکستان کے خلاف بیٹنگ کرتے ہوئے پانچویں آؤٹ ہونے والے بیٹر کریم جنت تھے جنہوں نے 15رنز بنائے اور عماد وسیم کی گیند پر پویلین لوٹ گئے،چھٹے آؤٹ ہونے والے بیٹر نجیب اللہ زدران تھے جو کہ شاداب خان کی گیند پر محمد رضوان کو کیچ دے بیٹھے۔
پاکستان سکواڈ
پاکستان پلئینگ الیون میں کپتان بابر اعظم ، محمد رضوان ، فخر زمان، محمد حفیظ ، شعیب ملک ، آصف علی ، عماد وسیم،شاداب خان ، حسن علی ، حارث رؤف اور شاہین آفریدی شامل ہیں۔
Afghanistan win toss, elect to bat first.#PAKvAFG #T20WorldCup pic.twitter.com/mks6DhMFkv
— Pakistan Cricket (@TheRealPCB) October 29, 2021
افغانستان سکواڈ
افغانستان پلئینگ الیون میں محمد شہزاد ، حضرت اللہ زازئی ، محمد نبی ، راشد خان ، مجیب الرحمان ، نجیب اللہ زدران ، رحمان اللہ گرباز ، اصغر افغان ، گلبدین نائب ، کریم جنت اور نوین الحق شامل ہیں۔
Afghanistan's playing XI against Pakistan today.#AFGvPAK #T20WorldCup21 pic.twitter.com/GgDq1AFo1N
— Afghanistan Cricket Board (@ACBofficials) October 29, 2021
