افغانستان پر طالبان کے کنٹرول کے بعد بالی وڈ کی معروف شخصیات نے اپنے رد عمل کا اظہار کیا ہے۔
معروف اداکارہ ریا چکرورتی نے افغانستان میں موجود خواتین اور اقلیتوں کے حقوق کے حوالے سے بات کرتے ہوئے انسٹاگرام پر اسٹوری پوسٹ کی۔
انہوں نے لکھا کہ اس وقت جب دنیا بھر میں خواتین تنخواہ کی برابری کے لیے لڑ رہی ہیں، افغانستان میں خواتین کو فروخت کیا جا رہا ہے۔
اداکارہ نے کہا افغانستان کی خواتین اور غیر ملکیوں کی حالت دیکھ کر دِل ٹوٹ گیا ہے۔
انہوں نے عالمی حکمرانوں پر اس کے خلاف آواز اٹھانے پر بھی زور دیا جب کہ آخر میں ریا نے لکھا کہ خواتین بھی انسان ہیں۔
ایک اور بھارتی اداکارہ و ڈائریکٹر ٹِسکا چوپڑا نے اپنے بچپن کی تصویر شیئر کی اور اس پر لکھا میرا بچپن کابل۔ انہوں نے تصویر پر دِل ٹوٹنے کا ایموجی بھی بنایا۔
اداکارہ عالیہ بھٹ کی والدہ اداکارہ سونی رازدان نے بھی افغانستان کی صورتحال پر ردعمل کا اظہار کیا۔
While one country celebrates their Independence another loses theirs … what a world this is
— Soni Razdan (@Soni_Razdan) August 15, 2021
انہوں نے گزشتہ روز بھارت کے یومِ آزادی پر ٹوئٹ کی کہ جب ایک ملک اپنی آزادی کا دن منارہا ہے تو اس وقت دوسرا ملک اپنی آزادی کھو رہا ہے، یہ دنیا کیا ہے۔
بالی وڈ کے ہدایتکار شیکھر کپور نے بھی افغانستان میں مقیم افراد کیلئے دعا کی اور ان سے اظہارِ یکجہتی پیش کیا۔
Special prayer 🙏 for the people of Afghanistan. A nation wrecked and destroyed by colonial ambitions of foreign powers. #Afganistan
— Shekhar Kapur (@shekharkapur) August 16, 2021