بالی ووڈ کے خطروں کے کھلاڑی کے نا م سے مشہور نامور ایکشن ہیرو اکشے کمار نے بیٹی کی سالگرہ کے موقع پر دنیا کی سب سے بڑی خوشی کے بارے میں مداحوں کو بتادیا۔
تفصیلات کے مطابق فوٹو اینڈ ویڈیو شیئرنگ ایپ انسٹاگرام پر بالی ووڈ کے اداکار اکشے کمار نے اپنی بیٹی کے ہمراہ اپنی ایک خوبصورت تصویر شیئر کی ہے جس میں اُنہوں نے بیٹی کو گلے سے لگایا ہوا ہے جبکہ یہ تصویر باپ اور بیٹی کے مضبوط رشتے کی عکاسی کررہی ہے۔
خطروں کے کھلاڑی نے تصویر شیئر کرتے ہوئے کیپشن میں لکھا کہ دنیا میں بیٹی کے گلے لگنے سے بڑی کوئی خوشی نہیں۔
No bigger joy in the world than a daughter’s tight hug. Happy Birthday, Nitara - grow up, take on the world, but always stay Papa’s precious li’l girl too. Love you. pic.twitter.com/ke30KHeDL9
— Akshay Kumar (@akshaykumar) September 25, 2021
انہوں نے بیٹی کو سالگرہ کی مبارکباد دیتے ہوئے مزید لکھا کہ نیتارا! بڑی ہو جاؤ، دنیا کو سنبھالو اور سمجھو لیکن ہمیشہ پاپا کی قیمتی بیٹی بن کر رہنا۔
واضح رہے روان ماہ اکشے کمار کی بھی سالگرہ تھی اور اس دن وہ اپنی ماں کو یاد کرتے ہوئے افسردہ ہوگئے تھے۔
Would have never liked it this way but am sure mom is singing Happy Birthday to me from right up there! Thanks to each one of you for your condolences and wishes alike. Life goes on. pic.twitter.com/PdCGtRxrvq
— Akshay Kumar (@akshaykumar) September 9, 2021
ستمبر کے پہلے ہفتے اداکار اکشے کمار کی والدہ انتقال کر گئیں تھیں جن کی آخری رسومات کی ادائیگی کے دوران اکشے کمار کے ہمراہ بالی وڈ انڈسٹری کی بہت سے نامور شخصیات کو بھی دیکھا گیا تھا۔
اداکار اکشے کمار نے اپنے سوشل میڈیا اکاؤنٹ پر اپنی ماں کو یاد کرتے ہوئے ایک پوسٹ جاری کی ۔
اس پوسٹ میں اداکار اکشے کمار نے لکھا کہ میں نے کبھی اپنی سالگرہ اس طرح منانے کا ہرگز نہیں سوچا تھا ۔ مجھے یقین ہے کہ میری ماں مجھے میری سالگرہ کی مبارکباد دے رہیں ہونگی۔
اداکار نے اپنی والدہ کے انتقال کی تعزیت اور ان کی سالگرہ کی مبارکباد دینے والوں کا شکریہ ادا کرتے ہوئے کہا کہ زندگی اسی طرح چلتی رہتی ہے۔
یاد رہے کہ اداکار اکشے کمار نے جب اپنی والدہ کی آخری رسومات کی ادائیگی کی تھی اس دوران انہیں بےحد افسردہ اور غمگین حالت میں دیکھا گیا تھا۔
