کراچی:(نیوز ڈیسک)عبدالستار ایدھی ہاکی اسٹیڈیم میں دفاعی چیمپئن نیشنل بینک نے محمد دلبر کی شاندار ہیٹ ٹرک کے سہارے پنجاب کو چار،صفر سے ہرادیا جبکہ ایک گول جنید منظور نے کیا۔
میڈیا رپورٹ کے مطابق تیسرے چیف آف نیول اسٹاف ہاکی ٹورنامنٹ میں مزید تین میچوں کا فیصلہ ہوگیا۔ماڑی پیٹرولیم نے پورٹ قاسم اتھارٹی کو سات،ایک کے بڑے فرق سے ٹھکانے لگا دیا۔فاتح ٹیم کی جانب سے وقار علی اور غضنفر علی نے دو،دو جبکہ وسیم اکرم،عمیر ستار اور عبدالرحمن نے ایک،ایک گول اسکور کیا۔
واپڈا نے علیم بلال،توثیق ارشد اور اعجاز احمد کی کامیاب کاوشوں کے سہارے پاکستان ایئرفورس کو تین،دو سے شکست دی جس کیلئے دونوں گولز رضوان علی نے پنالٹی کارنر پر بنائے ۔
