0

شاہد آفریدی کا ورلڈکپ کے بعد پاکستانی ٹیم کی اندرونی کہانی سامنے لانے کا اعلان

پاکستان کرکٹ ٹیم کے سابق کپتان شاہد آفریدی کا کہنا ہے کہ وہ جلد ہی ٹی ٹوئنٹی ورلڈ کپ میں موجودہ اسکواڈ کے حوالے سے اندرونی کہانی عوام کے سامنے لائیں گے۔ایک مقامی ٹی وی چینل کو انٹرویو دیتے ہوئے شاہد آفریدی سے ٹیم میں اتحاد کی کمی کے حوالے سے سوال کیا گیا جس پر سابق کپتان نے مہمان پینل میں شامل محمد وسیم کی طرف اشارہ کیا۔محمد وسیم کا ذکر کرتے ہوئے شاہد آفریدی نے کہا کہ وہ بہت سی چیزیں جانتے ہیں اور میں بھی، لیکن ہم کھل کر بات نہیں کر سکتے۔ان کا کہنا تھا کہ ‘ٹیم ہم آہنگی، اتحاد اور کھلاڑی کیسے ایک دوسرے کے ساتھ ہیں یہ کپتان کی ذمہ داری ہے، کپتان یا تو مثبت ماحول بناتا ہے یا اسے خراب کرتا ہے’۔شاہد آفریدی کا کہنا تھا کہ ‘ٹیم مینجمنٹ اور کوچز کے سامنے کپتان ہی ہوتا ہے جو ٹیم کو متحد کرتا ہے، اس کے پاس اختیار ہوتا ہے جب کہ اسے سلیکشن کمیٹی کی حمایت حاصل ہوتی ہے، ٹیم کو میدان میں لڑانا کپتان کا کام ہے’۔سابق کپتان نے مزید کہا کہ ’شاہین کے ساتھ میرے تعلقات مختلف ہیں، اگر میں کسی بات پر بات کروں تو لوگ کہیں گے کہ میں اپنے داماد کو سپورٹ کر رہا ہوں، حالانکہ میں نہیں ہوں، اگر میری بیٹی، بیٹا یا داماد غلط.” اگر ہیں تو میں ان کو بھی غلط کہوں گا۔واضح رہے کہ اتوار 9 جون کو آئی سی سی ٹی ٹوئنٹی 20 ورلڈ کپ کے میچ میں بھارت نے پاکستان کو 6 رنز سے شکست دی تھی، پاکستان 120 رنز کا آسان ہدف حاصل کرنے میں ناکام رہا۔

اس خبر پر اپنی رائے کا اظہار کریں

اپنا تبصرہ بھیجیں