بھارتی اداکارہ شلپا شیٹی اور ان کی والدہ کیخلاف دھوکہ دہی کے الزام پر مقدمہ درج کرلیا گیا۔
بھارتی میڈیا کے مطابق اداکارہ اور ان کی والدہ سنندا شیٹی کے خلاف لکھنؤ کے دو تھانوں میں دھوکا دہی کا مقدمہ درج کیا گیا جس کے بعد پولیس کی جانب سے تحقیقات شروع کردی گئی ہیں۔
بھارتی میڈیا رپورٹس کے مطابق اداکارہ اور ان کی والدہ پر الزام عائد کیا گیا ہے کہ دونوں نے فلاح و بہبود کے مرکز کی ایک برانچ کھولنے کے لیے دو افراد سے کروڑوں روپے لیے تاہم وہ برانچ نہیں کھولی گئی۔
پولیس اسٹیشنز میں مقدمے کے اندراج کے بعد تحقیقاتی ٹیم نے شلپا اور ان کی والدہ کو نوٹس جاری کردیا۔
