اسلام آباد:سابق ٹیسٹ کرکٹر وہاب ریاض کے چیف سلیکٹر بننے کی رکاوٹ دور ہو گئی ہے اور نگراں وزیراعلیٰ پنجاب نے انہیں کلیئرنس دے دی ہے۔ورلڈ کپ میں قومی ٹیم کی شرمناک شکست کے بعد ٹیم اور منیجمنٹ میں اکھاڑ پچھاڑ جاری ہے۔ چیف سلیکٹر انضمام الحق کے بعد پی سی بی نے سابق ٹیسٹ کرکٹر وہاب ریاض کو چیف سلیکٹر کے عہدے کی آفر کی تھی۔وہاب ریاض جو اس وقت پنجاب کی نگراں حکومت میں صوبائی وزیر کھیل ہیں بتایا جا رہا ہے نگراں وزیراعلیٰ پنجاب محسن نقوی نے وہاب ریاض کو پاکستان کرکٹ ٹیم کے چیف سلیکٹر کا عہدہ سنبھالنے کیلیے کلئیرنس دیدی۔پاکستان کرکٹ بورڈ جلد سابق کرکتر کو چیف سلیکٹر بنانے کا کانٹریکٹ بجھوائے گا جب کہ وہاب ریاض چیف سلیکٹر کا عہدہ سنبھالنے کے بعد بھی نگراں کابینہ کا حصہ رہیں گے،دوسری جانب پاکستان کرکٹ بورڈ (پی سی بی) نے کپتان اور کوچنگ اسٹاف کے ساتھ نئے ٹیم منیجر کے تقرر کا بھی فیصلہ کیا ہے، ریحان الحق کی جگہ سابق ٹیم مینجر نوید اکرم چیمہ کو پاکستان ٹیم کے ساتھ آسٹریلیا بھیجا جائے گا۔نجم سیٹھی دور میں مکی آرتھر نے جب ٹیم ڈائریکٹر کی ذمے داریاں سنبھالی تھیں تو اس وقت ریحان الحق کو مینجر کی ذمے داریاں سونپی گئی تھیں۔
0
