اسلام آباد(ویب ڈیسک)بالی ووڈ کنگ شاہ رخ خان کی ایکشن سے بھرپور فلم’پٹھان‘ نے امریکی باکس آفس پر بھی شاندار کامیابی حاصل کرلی۔بھارتی میڈیا کی رپورٹ کے مطابق، فلم ’پٹھان‘ امریکی باکس آفس پر راج کر رہی ہے، اس فلم نے امریکا میں اکیڈمی ایوارڈز کے لیے نامزد تمام بہترین فلموں کو پیچھے چھوڑ دیا ہے۔رپورٹ میں بتایا گیا ہے کہ اسپائی تھرلر فلم ’پٹھان‘ نے امریکا میں 10 ملین ڈالرز کا بزنس کرنے کے بعد فلم ’دی بنشیز آف انِشیرین‘، ’ٹار‘، ’ٹرائینگل آف سیڈنیس‘، اور ’وومن ٹاکنگ‘ پر برتری حاصل کرلی ہے۔فلم کی اس شاندار کامیابی پر شاہ رخ خان کا کہنا ہے کہ ’یہ ایک ناقابلِ یقین تجربہ ہے، شاید اب ہم خدا کے زیادہ شکر گزار ہوں گے کیونکہ ایسے وقت بھی آئے جب ہمیں لوگوں کو فون کرنا پڑا کہ وہ آسانی سے فلم ریلیز کروائیں اور انہوں نے ایسا ہی کیا۔ اُنہوں نے کہا کہ میں چاہتا ہوں کہ میری فلمیں ہمیشہ پیار محبت سے ریلیز ہوں کوئی ہنگامہ آرائی نہ ہو۔واضح رہے کہ ایکشن سے بھرپور فلم’پٹھان‘ سے شاہ رخ خان کی 4 سال بعد بڑی اسکرین پر واپسی ہوئی۔یہ فلم ریلیز کے 9 دن تک صرف بھارتی باکس آفس پر 3 سو کروڑ سے زیادہ کا بزنس کرچکی ہے جبکہ دنیا بھر سے اس فلم کی مجموعی باکس آفس کلیکشن 7 سو کروڑ بھارتی روپے ہے۔
113
