اسلام آباد(نیوزڈسک )وزیرِ اعلیٰ پنجاب چوہدری پرویز الہٰی کا کہنا ہے کہ عمران خان جب بھی کہیں گی آدھا منٹ دیر نہیں کروں گا اسمبلیاں توڑ دوں گا۔وزیراعلیٰ پنجاب نے ٹوئٹر پر جاری اپنے ویڈیو پیغام میں کہا کہ یہ ن لیگ والے اور ان کے رانا ثناء اللہ جیسے مفرور قسم کے لوگ جنہیں ماڈل ٹاؤن میں سزا ہوگی یہ کیسی باتیں کر رہے ہیں۔چوہدری پرویز الہٰی نے کہا کہ یہ عمران خان کی اپنی حکومت ہے اور یہ امانت ہے ہمارے پاس، جب بھی عمران خان کہیں گے اسمبلیاں توڑنے کیلئے، میں آدھا منٹ بھی دیر نہیں کروں گا۔انہوں نے کہا کہ شہباز شریف جو 27 کلومیٹر کی حکومت لئے پھرتا ہے، یہ 27 گھنٹے بھی نہیں چل سکیں گے۔ عمران خان نے فیصلہ کن راؤنڈ کھیل دیا ہے، پی ڈی ایم کا اتحاد اب انتشار کی شکل اختیار کرتا جائے گا۔
108
