ماہرین صحت وٹامن ای قوت مدافعت بڑھانے کے ساتھ ساتھ جلد اور بالوں کی صحت کو بہتر بنانے کے لئے بھی ضروری ہے۔
یہ ایک ایسا وٹامن ہے جسے نہ صرف کھایا جا سکتا ہے بلکہ اسے خوبصورتی کے لئے بالوں اور جلد پر بھی لگایا جا سکتا ہے۔
وٹامن ای کا استعمال ہماری جلد، ناخن اور بالوں کے لئے بہت کارآمد ہے، اسے خوراک کی شکل میں لینا فائدے مند تو ہے ہی لیکن اسے بالوں اور جلد پر بھی لگایا جا سکتا ہے۔
وٹامن ای چہرے سے بڑھتی عمر کے اثرات کو کم کرنے کے علاوہ ہائپر پگمینٹیشن کو بھی کم کرتا ہے۔
اس کا استعمال روزانہ کیا جائے تو آپ کے طویل وقت تک جوان نظر آنے کا امکان ہے، وٹامن ای کا تیل خشک جلد والوں کے لئے موئسچرائزر کی طرح کام کرتا ہے۔
وٹامن ای کلینزر کے طور پر بہت مؤثر ہے، وٹامن ای کے تیل کے چند قطرے کو چہرے پر لگا کر ہلکے ہاتھوں سے مالش کرنے سے جلد صاف اور ملائم ہو جاتی ہے، ساتھ میں یہ جلد کے کھلے سوراخوں میں موجود تمام گندگیوں کو دور کرتی ہے۔
یہ آنکھوں کے گرد سیاہ حلقوں کے لئے اچھا ہے، اس کے لئے رات کو سونے سے پہلے آنکھوں کے نیچے وٹامن ای کے تیل سے ہلکے ہاتھوں سے مالش کریں۔
اس کے علاوہ کمزور اور خشک ناخن سے چھٹکارا پانے کے لئے بھی وٹامن ای کے تیل کا استعمال کیا جا سکتا ہے۔
رات کو سونے سے پہلے جلد پر وٹامن ای کے تیل سے ہلکا مالش کرنا بہت فائدے مند ہے، اس کو ایلو ویرا جیل کے ساتھ ملا کر پورے چہرے پر مالش کرنے کے بعد دھو سکتے ہیں، امید ہے کہ آپ کو بہتر نتائج دیکھنے کو ملیں گے۔
گھر میں دن بھر کام کرنے سے اگر آپ کے ہاتھ خشک رہتے ہیں تو وٹامن ای کے تیل سے ہاتھوں میں ہلکی مالش کرنے سے آپ نمی کو واپس لا سکتے ہیں۔
آپ وٹامن ای کیپسول لیں اور اس میں تھوڑا سا شہد ملا دیں اس کے بعد جلد پر مالش کریں لیکن آپ روزانہ سونے سے پہلے یہ کرنا نہ بھولیں تب ہی آپ کو بہتر نتائج حاصل ہوں گے۔
واضح رہے کہ سویا بین کا تیل، بادام، مونگ پھلی، ایواکاڈو، اخروٹ اور سورج مکھی کے بیچ اور دیگر میوے، انڈے، شکرقند، پالک، سرسوں، شلجم، بروکولی، پپیتا، کدو اور پاپ کارن وغیرہ کا استعمال کیا جا سکتا ہے۔
