جے پور: بھارتی ریاست راجھستان میں بھارتی فضائیہ کا جنگی طیارہ گر کر تباہ ہو گیا ہے۔ مگ 21 طیارہ ٹریننگ مشن پر تھا۔ حادثے میں پائلٹ محفوظ رہا۔
طیارے کو فضائیہ اکیڈمی کے قریب حادثہ پیش آیا، بھارتی فضائیہ نے بھی واقعے کی تصدیق کردی ہے۔
بھارتی فضائیہ کے اعلامیے میں کہا گیا ہے کہ حادثے میں تباہ ہونے والا مگ 21 ایک تربیتی پرواز پر تھا۔ اسے سپرش رانا نامی پائلٹ اڑا رہا تھا۔
Rajasthan | IAF's MiG-21 Bison fighter aircraft crashed today in Barmer during a training sortie, pilot safe pic.twitter.com/u1i4D46NRa
— ANI (@ANI) August 25, 2021
انڈین طیارے نے 11 بج کر 10 منٹ پر اڑان بھری اور پھر ساڑھے گیارہ بجے کے قریب اس کا رابطہ ریڈار سے منقطع ہو گیا تھا۔
طیارہ حادثے کی وجوہات جاننے کے لیے بھارتی فضائیہ نے کمیٹی تشکیل دے دی جو ایک ہفتے کے اندر رپورٹ پیش کرے گی۔