بھارت میں نوجوان نے ٹرین کے آگے چھلانگ لگادی جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق ممبئی کے وٹھل واڑی ریلوے اسٹیشن پر پولیس اہلکار نے 18 سالہ نوجوان کی خودکشی کی کوشش ناکام بنادی۔
نوجوان نے ریلوے ٹریک پر چھلانگ لگائی تو قریب موجود پولیس کانسٹیبل نے پٹری پر کود کر اس کی جان بچائی۔
ویڈیو میں دیکھا جاسکتا ہے کہ 18 سالہ نوجوان نے جیسے ہی ریلوے ٹریک پر چھلانگ لگائی تو 35 سالہ افسر شیکیش مانے نے اپنی جان کی پرواہ کیے بغیر ریلوے ٹریک پر جاکر اسے دھکا دیا اور خود بھی دوسرے ٹریک پر چلا گیا۔
چند سیکنڈز کے بعد ہی ٹرین کو وہاں سے گزرتے دیکھا جاسکتا ہے کہ اگر پولیس اہلکار کو تھوڑی دیر ہوجاتی تو نوجوان کی جان بھی جاسکتی تھی۔
A 35-year-old government railway police (GRP) constable jumped on the railway tracks moments before an express train was to pass to save an 18-year-old who allegedly tried to die by suicide at Vithalwadi railway station @SachinKalbag @htTweets @HTMumbai pic.twitter.com/UA4NCf8lXF
— Megha Pol (@Meghapol) March 23, 2022
پولیس اہلکار نوجوان کو دوبارہ پلیٹ فارم پر لایا بعدازاں نوجوان کو کلیان پولیس اسٹیشن منتقل کیا گیا۔
پولیس کے مطابق نوجوان کے والدین کو بلایا گیا اور تمام تر صورتحال سے آگاہ کرنے کے بعد اسے والدین کے سپرد کردیا گیا ہے۔
مذکورہ ویڈیو سوشل میڈیا پر تیزی سے وائرل ہورہی ہے اور صارفین کی جانب سے پولیس اہلکار کے اقدام کی تعریف کی جارہی ہے۔
