بھینس کے شکار کیلئے آنے والی شیرنی کو منہ کی کھانی پڑی، جس کی ویڈیو سوشل میڈیا پر وائرل ہوگئی۔
شیر کو یوں تو جنگل کا بادشاہ ہونے کا اعزاز حاصل ہے اور جنگل میں دیگر جانوروں پر شیر کی دھاک بھی ہوتی ہے، ہمیشہ ہی یہ دیکھا گیا ہے کہ شیر دوسرے جانوروں کا آرام سے شکار کر لیتا ہے لیکن کبھی کبھار ایسا بھی ہوتا ہے کہ جنگل کے بادشاہ کو منہ کی بھی کھانی پڑتی ہے۔
سوشل میڈیا پر ہمیں اکثر شیروں کے شکار کی بہت سی وائرل ویڈیوز دیکھنے کو ملتی ہیں لیکن آج ایک بالکل مختلف ویڈیو وائرل ہو رہی ہے، جسے آپ بھی دیکھ کر حیران رہ جائیں گے۔
انسٹاگرام پر پوسٹ کی گئی ویڈیو میں جنگل کے ایک کونے میں بھینسوں کا ایک غول دکھایا گیا ہے جب ایک بھینس اوپر چڑھنے کی کوشش کرتے پھنس جاتی ہے تو ایک شیرنی بھینس کے پیچھے سے آتی اور شکار کرنے کی کوشش کرتی ہے ، اس دوران دوسری شیرنیاں بھی مدد کے لئے آجاتی ہے۔
جیسے ہی شیرنی بھینس کا شکار کرنے کیلئے اس پر لپکتی ہے تو اسی دوران بھینسوں کا پورا ریوڑ اپنے دوست کو بچانے کے لیے آجاتا ہے اور یہ دیکھ کر شیرنی بھاگ جاتی ہے۔
وائرل ویڈیو پر صارفین کی جانب سے دلچسپ تبصروں کا سلسلہ جاری ہے۔
……….
