پشاور: خیبرپختونخوا کے مشیر اطلاعات بیرسٹر محمد علی سیف نے الزام لگایا ہے کہ وزیر اعلیٰ پنجاب مریم نواز کے حکم پر بشریٰ بی بی کو جیل میں تشدد کا نشانہ بنایا جا رہا ہے۔ نیند سے بیدار ہونے کے بعد سیل کی تلاشی کے بہانے ذہنی تشدد کیا جا رہا ہے اور بال بھی تلاش کیے جا رہے ہیں۔ مشیر اطلاعات نے کہا کہ پی ٹی آئی کے بانی کو ان کی اہلیہ کے ذریعے توڑنے کی کوشش کی جا رہی ہے۔بشریٰ بی بی عمران خان کے ساتھ مضبوطی سے کھڑی ہیں اور ان کی طاقت برقرار ہے۔ بیرسٹرسیف نے مزید کہا کہ مریم نواز کی حکومت میں خواتین پر ظلم کے پہاڑ توڑے جا رہے ہیں، ایک بزرگ خاتون کو بھی گرفتار کر کے جیل میں ڈال دیا گیا، مریم نواز اتنا ظلم کریں کہ کل دوبارہ برداشت کر سکیں۔
0
